الراحلين عن النادي الأهلي وبدائلهم...أسماء غير متوقعة

آخر أخبار الإنتقالات بالنادي الأهلي

 ياتري مين اللعيبه اللي هترحل عن الأهلي ويا ترى مين اللي هيكونوا البدلاء بتوعهم، هنتكلم النهارده عن ابرز الاسماء المرشحة للرحيل عن الاهلى و الي ضمنهم اسم هيكون مفاجأة كبيرة وغير متوقعة وهقولك كمان مين هم البدلاء ومين الأنسب من وجهة نظري الشخصيه المتواضعه 

عرض حمدي فتحي من فريق الوكره القطري

و أول الاسماء اللي هنتكلم عنها واللي نقدر نقول إن هو راحل عن الأهلي بنسبه كبيره هو حمدي فتحي .

الراجل اللى بيقدم مستوى مميز جدا منذ ظهوره الأول في موسم 2019 حتى ظهوره الأخير وما شاء الله محافظ على مستواه دائما، وكان بيقدم مستوى ثابت اما بقى بالنسبه للبدايل.

اول حاجه إن كريم نيدفيد هيرجع من الإعارة من فيوتشر،وتاني حاجه الأهلي هيشتري لاعب ثاني معاه لتعويض غياب حمدي فتحي والأسماء المرشحة محمد رضا بوبو و اللاعب النيجيري اللي عمره فقط 16 سنة، اسمه دانيال داجا يلعب في فريق اسمه داكادا النيجيري ، لاعب دولي و ديفندرصريح زي حمدي فتحي عكس بوبو الي بيلعب قدام شويه ولاعيب مميز بشكل كبير جدا في التاكلينج و قطع الكور و بيقرا الملعب بشكل كويس ولكن غير مميز إطلاقا في التسديد .

اما بق من وجهة نظري لتعويض رحيل حمدي فتحي فهختار غنام محمد لاعب فيوتشرلاعب ديفندر مميز جدا ومستواه عالي بشكل كبير و يقدم مستوى ثابت بقاله اكتر من موسم فات و بيلعب ديفندر بنفس استايل حمدي فتحي ونفس طريقة لعبة ويمتاز بأنه بيلعب كويس جدا في المساحات الضيقه ودايما بيلعب الكوره لقدام و تمريراته مميزه جدا ده غير كمان ان هو مميز جدا في التسديد .

العروض المغرية لمحمد عبد المنعم

هدف محمد عبد المنعم سبب الفوز ببطولة أفريقيا

اما بقا تاني اللعيبه الي مقدم ليها عرض مالي كبير جدا و الي حاليا في اتجاه لرحيلها في الفترة القادمة بسبب قوة العرض المقدم هو محمد عبد المنعم .

لاعيب بسم الله ما شاء الله من افضل اللعيبه اللي ظهرت التاريخ مصر بدون مبالغه ،وواحد حاليا من أفضل اللاعبين في الكرة المصرية والقارة الافريقية و بالتالي بتتكلم في عروض قادمة من الدوري السعودي تتراوح قيمتها من 12 مليون دولار لحد 15 مليون دولار، وجاري مناقشة العروض دي وفي تفكير هل هيبيعوا محمد عبد المنعم ولا لا.

وأبرز البدلاء لحد دلوقتي هم زين الدين بالعيد اللاعب الجزائري و عمر فايد لاعب المقاولين الملقب بشبيه احمد حجازي هو اما بقى من وجه نظري ان محمد عبد المنعم يعني قد يكون اللاعب الوحيد اللي مالوش اي بديل في الكرة المصرية ولا كمان في قارة افريقيا وصعب جدا ان انت تعويضه بأي لاعب ثاني .

محمد عبد الممنعم لاعب النادي الأهلي و منتخب مصر

العرض المقدم لحسين الشحات

تالت لاعب هنتكلم عنه والي عنده عرض مالي ضخم وهو حسين الشحات.

الي بيقدم حاليا افضل نسخه ليه وافضل موسم منذ قدومه إلى الأهلي  وعامل ثنائية عظيمة مع بيرسي تاو و تفاهم وانسجام كبير جدا وبعد مكان الاهلي مش لاقى جناح واحد يبقى مميز وبيسبب خطورة اصبح يمتلك اثنين لعيبه من الأفضل في القارة لدرجة أن مدرب الوداد قبل المباراه النهائيه قال خطورة الأهلي توجد فقط من الأجنحة والأطراف وكان كل تصريحاته بيتكلم عن خطوره بيرسي تاو وحسين الشحات .

حسين الشحات بسم الله ما شاء الله واحد من أفضل اللاعبين في النادي الأهلي وواحد من أهم أسباب فوز الأهلي باللقب الأفريقي الحداشر وبالتالي عنده عروض قويه جدا من  الدوري السعودي ومن الدوري الإماراتي وكمان من نادي بيراميدز وحتى الآن هو على أعتاب الرحيل عن النادي الاهلي اما بقى بالنسبه للبديل احب اقولك ان لحد دلوقتي لسه مفيش لاعيب سوبر يلعب في مركز الجناح تقدر ان انت تقول عليه ممكن يبقى مناسب للنادي الاهلي و يعوض الشحات

حسين الشحات ب البطوله الإحداشر

دول كدا اكتر 3 لاعبين من الأهلي عليهم كلام بالرحيل بسبب العروض المالية المغرية بسبب تألقهم بشكل كبير

وفي اتجاه خروج محمد طاهر ولاكن لسه مفيش كلام رسمي .

اخر حاجة عرفنا رأيك في العروض دى فى التعليقات .